شفت الحلوة محمد عمر قرطلي سوريا 🇸🇾

 

 شفت الحلوة 

شفت الحلوة هالسمرة 

صبحية وأنا بالبستان

قَمرة في أحلى صورة

بتخاوي بدر الزمان 

حلوة كتير زغيورة

بتعشقها كل الألحان

بيقولوا عنها مغرورة

و جواتها أطيب إنسان

ليكا هيدي السنيورة

ما بتحاكي مين ما كان

بلوزتها آخر موضة 

محلاية ببكلة ساتان

شفتها بأجمل تنورة

مرسومة بريشة فنان

ورد و زهر وبحر و نيل

فيها من كل الألوان

مهضومة وطيوبة كتير

بيخجل لمستها الريحان

أنا على بيتها بدي طير

إخطبها بس مو عرفان

خايف من إيدَيِّ تطير

وإبقى من بعدها حيران

رح إحكيها شو بيصير

إبقى ساكت مش قدران

قلتلها هالحلوة منين

شو لابقلك هالفستان

قالت أهلي سوريين 

وأمي من جبل اللبنان

و ستي انولدت بفلسطين

و إلنا قرايب بعمان

ياريتها من حظي تصير 

و توافق تعطيني العنوان

محمد عمر قرطلي 🇸🇾