د ياسر الشريف يبدع عاشِقان 🇪🇬

 

عاشِقان

         

كان حلمي أعيش في حُضنك من زمان

كان أملي أكون فَجرك و أحسسك الأمان

كان نفسي لحضني أضمك يغمُرك الحنان

بس يا خسارة    كل ده كان حِلم و كان

آه يا عُمري من شوق فؤادي و الحنين

آه يا قدري من غرامي و وجع السنين

آه يا صبري يا مدوب قلوب العاشقين 

أنا ناسك في محرابك يا حورية من بنات الجان

كفاية نظرة واحدة بس من العيون

كفاية تضم صورتي أجمل جفون

كفاية كلمة من شفايفك تشق صمت السكون

تنسيني تعب السنين تمحي ألم تشفي أنين و تدوب الأحزان

أنتي و أنا من مثلنا  بين الأكوان عاشِقان؟

د.ياسر الشريف