برغم البُعد
برغم البُعد و الفُرقه عِشقت أنا ليلك
برغم الصَبر و الحُرقه لسه باَغني لِك
بأعيش ع الذكري و مش فارقه و باَنادي لِك
بكل شوق الورده و الزهره للمَيه أنا نيلك
بُستاني باَعيش علي الفِطره و عاشق كمان جيلك
باَدون كل يوم فِكره و روحي لأمل بُكره سَبيلك
باَدوب حُب ومَوده في توراتك و قرءانك و إنجيلك
باَعزِف لك علي وَتر قلبي و أسَمع الكون مَواويلك
باَرسمك علي جُدران القلوب وَرده منها فاح عَبيرك
باكون في الرحلة جَمّالك حاديكي و دَليلك
باحبك و موج الغرام عالي و ف قلبي حلفت إن أنا أشيلك
0 تعليقات