كتبت الوجع في كراسة حياتي
وكان القلم ضلوع صدري وآهاتي
وكان الحبر دم القلب اللي في ذاتي
وبيكتب سطر ورا سطر عن آهاتي
فتحت الكراسة لقيت الورق باكي
وحروفي بتصرخ من الوجع شاكي
وكل سطر فيها مجروح وحاكي
عن قلب اتكسر وعن حلم باكي
ضلوع صدري قلمها ما بينكسرش
تكتب وجعها ودمعها ما بيتفسرش
وقلبي حبره من الجرح ما بيخلصش
وينزف حكاية وجعها ما بيتقدرش
سطر يقول يا حياة كفاية جراح
وسطر يقول يا قلب فين المفتاح
وسطر يقول يا عين فين الأفراح
وسطر يموت من كتر النواح
أنا الكراسة وأنا القلم وأنا الحبر
وأنا الجرح اللي في القلب وأنا الصبر
وأنا اللي شايلة الوجع ليل ويا فجر
وبكتب بضلوعي لحد ما العمر يمر
بقلمي
الشاعره سو احمد النوبي
0 تعليقات