د.ياسر الشريف يكتب طالبين المدد جارديان عربية

 

طالبين المدد

كل اللى حصل فيكى كان حَسد 

تركوا جمال الروح وبصوا للجسد

تاهوا فى بحر عيونك حتى العابد فَسد

تاه الشيطان من نظرة والقطة صارت أسد

كتمنا صوت الآه فى صدورنا وطلبنا المَدد

كتير إحنا آه لكن يا وِلداه طلعنا كِمالة عدد

كَسرنا حاجز الخوف مَره وطلعت من الجوف الكِلمه حُره

كَف القدر كتب نهاية مُره الشباب هاجر بَره ضاع منا الولد

كتبت لك ٢٠٠٠ مِرسال وَصفت فقرى ووقف الحال يا طاهره

كلمتك من قلبى عن ناسك الصابره عن بطن جاع وضَهرإنجلد

كفاية ظلم وقهر خلاص عَدى العُمر وفرغ من قلبى الصبر 

كِبرت وشاب الشَعر كتبت نثر وشِعر فى حُب وعشق البلد 

د.ياسر الشريف