بَوح الفؤاد
عِشقت تُرابك وإنتي لِسه مُش حاسَه
عشان رِضعت من نيلك وف قلبي غرام لسه
عيوني دَمَعت مِنك ومِستني يا دوب هَمسه
عايش بأملي مستني بس ولو فُرصه
كِرهتك بس روحي عَشقاكي
كَريم قلبي قوي معاكي
كَسرتي القلب في لحظه
ولسه الروح بتهواكي
وليكي في الفؤاد حِصه
عَرق الجبين رَوي أرضِك
عروقي عايشه علي نبضك
عيون القلب عشقاكي وبحُب وشوق حَرساكي
عاشق أنا علي بابك ومستني رضا قلبك
ومُنتظر الرِضا منك ولو لَحظه
ساعات بأبعد عشان أنسي
لا عُمري غَدرت ولا بأسي
بأخاف تغضبي ف بُعدي
يتوه مني الشَط والمَرسا
وغضب الأُمهات كارثه
وزعلك للفؤاد نَكسه
ولسه باحلم معاكي أنول فُرصه
🇪🇬
0 تعليقات